Mchezaji ghali Duniani na winga wa Brazili Neymar Jr. (25) amemshawishi mchezaji mwenzia wa timu ya Taifa ya Brazil Philippe Coutinho winga wa Liverpool kujiunga na klabu Paris Saint-Germain badala ya kwenda Barcelona.

Liverpool walikataa Donge nono la Euro 120 m kutoka kunako klabu Barcelona kwa ajili ya kiungo huyo majira ya joto, wakikataa kumuuza mchezaji wao nyota licha ya kiungo huyo kuomba kuondoka mwenyewe.

wakatalunya hao wanampango wa kumrudia tena Coutinho Januari, lakini umeibuka ushindani kutoka kwa PSG kwa sasa.

kwa mujibu wa gazeti la le10 Sport limedai kuwa Neymar anaitumia fursa ya mapumziko ya kimataifa kuiuza PSG kwa Coutinho, akimtaka kujiunga na miamba hao wa Ufaransa badala ya kwenda Camp Nou.

Neymar alijiunga na PSG kwa dau la rekodi paundi milioni 200 kutokea Barca majira ya joto, na miaba hao walitumia nguvu ya pesa kumpata Mbappe.

Liverpool bado wanatamani kuendelea kubaki na Coutinho na hawapo tayari kumuuza Januari, lakini wanaweza kumpoteza msimu ujao wa majira ya joto baada ya kumlazimisha kubaki klabuni kinyume na mapenzi yake.