Brussels: Mshambuliaji wa Timu ya Taifa ya Tanzania Taifa star na mchezaji wa klabu ya KRC Genk jana alifanikiwa kufanyiwa operesheni baada ya kupata majeraha wakati akiitumikia klabu yake hiyo ya nchini Ubeligiji.

"Napenda kuwajulisha kuwa operesheni yangu imeenda vizuri. Napenda kumshkuru mwenyezi Mungu, timu ya madaktari pamoja na mashabiki wangu.
Nimepokea meseji nyingi sana kutoka sehemu tofauti duniani na napenda kuchukua fursa hii kuwashkuru sana kwa meseji na Dua zenu'' aliandika samatta

Samatta aliumia mguu Jumamosi iliyopita wakati akiichezea klabu yake ya KRC Genk ya Ubelgiji iliyolazimishwa suluhu dhidi ya Lokeren, huku akiwa amedumu dimbani kwa dakika 40 pekee kabla ya kuumia. Majeraha aliyoyapata Samatta yatamuweka nje ya uwanja kwa kipindi cha wiki sita.