Ufaransa: Mshambuliaji wa Real Madrid Karim Benzema anasema kuwa Cristiano Ronaldo ni mbinafsi zaidi yake, lakini anaona hakuna shida kwa faida ya Real Madrid na hana tatizo na Mreno huyo Uwanjani

Benzema amepata mafanikio chungu mbovu katika kipindi alichokuwa Hispania kunako klabu ya Madrid, ingawa anaamini mafanikio yake kwa kiasi fulani yamefichwa na Ronaldo. Hata hivyo, haoni tatizo na hilo, na amesema kuwa yeye na Mreno huyo wana uhusiano mzuri tu.

"Katika Real, Nafunga, lakini mtu mwingine akifunga magoli 50 kwa msimu (huwezi kufanya kitu)," Benzema alikiambia chombo cha habari cha Canal+.

"Ni tofauti na nilivyocheza Lyon. Napenda soka na kushinda mataji. Nafurahia sana.

"Ronaldo na mimi tunaelewana vizuri. Napenda kucheza naye. Anapenda kugongeana mpira. Ni mbinafsi kuliko mimi, lakini hiyo ni kawaida. Hili halinisumbui. Mwisho wa yote ni vizuri kwa ajili ya timu." aliongea Benzema