Hispania: Habari kubwa ya Leo katika Sayari ya Kabumbu Duniani ni sinema ya vipigo vya timu kubwa barani ulaya hasa kunako Ligi Bora barani ulaya, baada ya wale vigogo Wa La liga Real Madrid na Barcelona kuchezea vipigo kwa wakati mmoja

Mechi ya kwanza kabisi ilikuwa kati ya Leganes vs Barcelona ambapo Barca imechapwa Mabao 2 - 1 na Kipigo cha pili ni kigogo mwingine Real Madrid ambae alishuka Dimbani wakiwa kamili wamechezea kichapo cha Mabao 3 - 0 yaani Bila majibu.

Barcelona ndio walio kuwa wakwanza kufumania nyavu za Leganes baada ya Kiungo wa Kibrazili Philip Coutinho kushusha mkwaji mkali dakika 12' pasi ikitokea kwa Leonel Messi nakuwafanya Barca kutangulia mpaka ilipofika Dakika ya 52' El Zhar akaisawazishia Club ya Leganes.

Baada ya tu Dakika moja Kiungo Mashambuliaji wao Oscar Rodriguez Dakika 53' akaifungia club hiyo Goli la pili na kuwafanya kutoka kifua mbele mbele ya Mabingwa wa Ligi hiyo Barcelona.

Mechi iliyofuatia ni ya Real Madrid Vs Sevilla ambao Madrid wenyewe wamesharazwa Mabao 3 bila majibu.

Goli la kwanza likifungwa dakika ya 17' na Andre Silva ambaye alirudi tena nyavuni Dakika ya 21' kabla ya Mshambuliaji wao Ben Yedder kutikisa nyavu ya goli la 3 Dakika 39' nakuwafanya kuchukua pointi tatu muhimu kutoka kwa miamba hiyo ya soka Barani ulaya.

Huko nako England katika Mashindano ya EFL CUP (carabao) kulikuwa na mechi kali iliyowakutanisha Vigogo wa London Chelsea vs Liverpool ambapo Majongoo wa jiji wamechezea kichapo cha Mabao 2 - 1 dhidi ya Miamba ya London hao. Hivyo Liverpool kutupwa njee ya mashindano hayo.