Argentina: Mshambuliaji wa kimataifa wa Argentina na klabu ya Barcelona Lionel Andres Messi, amesema hayuko tayari kuihama club yake ya Barcelona kutimkia club nyingine barani ulaya, kauli hii ya messi imekuja baada ya kuwepo tetesi za yeye kutaka kusajiliwa na timu ya Manchester City.

Nyota huyo wa Dunia ambaye kwa sasa yupo Argentina kwenye kambi ya timu ya taifa inayojiandaa na Fainali za Kombe la Dunia nchini Urusi mwaka huu, ameuwambia mtandao mmoja nchini humo ambapo amebainisha kuwa anandoto ya kuchezea timu yake ya utotoni Newell's Old Boys.

"Siwezi kusaini Man City, nipo Barcelona na ndio timu pekee nitakayochezea barani Ulaya, siku zote huwa natamani kurudi kuchezea timu yangu ya Old Boys hapa nyumbani hata kwa miezi sita'', amesema Messi.

Messi mwenye miaka 30, ataiongoza Argentina kwenye fainali za mwaka huu akiwa na kumbukumbu ya kufungwa bao 1-0 na Ujerumani kwenye mchezo wa fainali katika Kombe la Dunia mwkaa 2014 nchini Argentina.

Hata hivyo Messi amesaini mkataba mpya ndani ya Barcelona ambao utamweka klabuni hapo hadi Novemba 2021. Mkataba huo una kipengele cha timu kulipa kiasi cha Euro 700 milioni, takribani Shilingi Bilioni 14.