Shirikisho la Soka Duniani (FIFA) limemwondoa Fahad Al- Mirdasi kutoka Saudi Arabia kwenye orodha ya waamuzi watakao chezesha fainali ya kombe la Dunia mwaka 2018, mwezi ujao nchini Urusi.

Uamuzi huo umefanyika baada ya Chama cha Soka cha Saudi Arabia (SAFF) kumfungia mwamuzi huyo wa kandanda kujihusisha na shughuli za mpira kutokana na kashfa ya kupanga matokeo.

SAFF Imethibitisha kuwa Al- Mirdasi alikiri kosa kutokana na kupanga matokeo kati ya Al-Ittihad na Al-Faisaly katika fainali ya Kombe la Mfalme.

Aidha, Shirikisho hilo la Soka duniani imewaondoa marefa wasaidizi Al-Abakry pamoja na Abdulah Al-Shalwa wote kutoka Saudi Arabia ambao walipangwa kushirikiana na Al- Mirdasi katika Kombe La Dunia nchini Urusi.