Madrid: Mchawi wa soka kutoka kunako club ya Barcelona Lionel Messi ameendelea kuweka rekodi yake ya kufunga mabao kwenye mechi ya El Clasco inayokutanisha Real Madrid na Barcelona baada ya leo kufunga Madrid bao moja na kufikisha jumla ya mabao 25.

Katika mchezo uliomalizika jioni hii Barcelona imeshinda mabao 3-0 dhidi ya Real Madrid Katika uwanja wa Bernabeu na kufikisha alama 45 ikiwa mbele kwa alama 14 dhidi ya Real Madrid inayoshika nafasi ya 4 kwenye msimamo wa La Liga ikiwa na alama 31.

Mabao ya Barcelona yamefungwa na Luis Suarez dakika ya 54, Lionel Messi dakika ya 64 na Alex Vidal dakika ya 90. Bao la Messi limekuwa ni bao la 25 kwenye mechi zake 37 za El Clasco na bao la 15 kwenye uwanja wa Santiago Bernabeu. Mpaka sasa Barcleno ndio club pekee ambayo haijafungwa mechi hata mpoja msimu huu, ikiwa imecheza michezo

Timu hizo sasa zimecheza jumla ya mechi 238 ambapo Real Madrid imeshinda mara 95 huku Barcelona ikishinda mara 93 na zikitoka sare mara 49.