Dar es salaam: Kiongozi wa Chama cha ACT Wazalendo Zitto Kabwe amesema kuwa kwaupande wake amejifunza kutokana na wimbi la wanasiasa kuhama hama vyama, Akiandika kwenye Ukurasa wake wa Twitter Zitto amesema kuwa kwa sasa anaandaa mkakati wa kujinga aina mpya ya wanasiasa, ambao watajingwa kiitikadi

“Kwangu mimi kuna somo moja kubwa nalo ni kuandaa aina Mpya ya wanasiasa, wanasiasa wanaojengwa kwenye itikadi na misingi.Hiyo ndio kazi ninayofanya sasa. Forward Ever, Backward Never” alisema zitto

Hivi Karibu kumekuwa na wimbi kubwa la wanasiasa kuhama kutoka chama kimoja kwenda kingine, wimbi hili la wanasiasa limekuwa gumzo pale ambapo Novemba 21, 2017 chama Tawala cha CCM kilipokea wanachama mashughuli kutoka kwenye vyama viwili vya upinzani, Chadema na ACT Wazalendo.

Chama cha CCM katika mkutano wake wa halimashauri kuu NEC uliofanyika Tarehe 21 Novemba mwaka huu katika ukumbi wa Ikulu jiji Dar es salaam chini ya mwenyekiti wake Rais John magufuli kiliwapokea wanachama 6 akiwemo Sophia Simba aliyekuwa amenyang'anywa kadi ya uwanachama miezi kadhaa iliyopita, Mwenyekiti wa BAVICHA Taifa ndg. Patrobas katambi, aliyekuwa mwanasheria na mshauri wa ACT Wazalendo Wakili Albert Msando, aliyekuwa Katibu mkuu kitengo cha mawasiliano ACT Wazalendo Samson Mwigamba, aliyekuwa Waziri wa mambo ya ndani Laurence Masha na Mshauri mkuu wa ACT Wazalendo Prof. Kitila Mkumbo

wanachama wapya wa CCM wakitambulishwa