Dar es salaam: Mbunge wa kigoma Ujiji na Kiongozi ACT Wazalendo Zitto Zuberi Kabwe amesema kuwa Serekali ya Tanzania ilikopa kutoka bank ya Uswisi $ 500 ambazo nusu ya pesa hizo zilitumika kununua Denge (bombardier)

"Serikali ya CCM ya awamu ya Tano imekopa $500m kutoka Benki ya CreditSuisse ya Uswiss Kwa riba kubwa Sana. Sehemu ya Fedha hizo zimetumika kulipia Ndege ambazo Serikali inanunua. Wavuvi wa Migebuka Kigoma watahusika kulipa deni Hilo kupitia kodi zao."

Zitto ameongea hayo leo kupitia ukurasa wake wa facebook mara baada ya Rais Magufuli kubeza kauli ya Zitto aliyoongea Tarehe 21.10.2017 kuwa Mapato yameshuka katika robo ya tatu ya mwaka 2017 na " Anayesema mapato yameshuka, hizi ndege sita mpya tulizonunua tumebadilishana na migebuka ya Kigoma?-" alihoji Rais magufuli

kauli ya Rais magufuli ameitoa leo 23.10.2017 wakati wa kuwatunuku vyeti wajumbe wa kamati zilizofanya uchunguzi wa kiwango, aina na thamani ya madini katika makinikia na baadaye kufanya mazungumzo na kampuni ya Barrick Gold.