Waziri Mkuu Mh. Kassim Majaliwa amesema hajaridhishwa na gharama kubwa zilizotumika katika ukarabati wa jengo la kupumzikia akina mama wajawazito lililojengwa katika hospitali ya rufaa ya mkoa mjini Songea ambalo limegharimu shilingi milioni 129 huku akimuagiza Naibu Waziri wa afya, Dkt. Faustine Ndungulile kufuatilia gharama hizo na kuwachukulia hatua wote waliohusika kuhujumu fedha za serikali.Waziri Mkuu ametoa agizo hilo wakati akikagua jengo hilo katika hospitali ya rufaa ya mkoa mjini Songea pamoja na kuetembelea wodi ya watoto kabla hajazindua mashine ya kisasa ya kidigitali ya X-ray katika hospitali hiyo kwa niaba ya hospitali zingine nne za geita, mwanza, simiyu pamoja na Morogoro.