200 wauawa, kujeruhiwa katika ajali ya treni Afrika Kusini

Kwa akali watu 14 wamethibitishwa kupoteza maisha huku wengine zaidi ya 180 wakijeruhiwa katika ajali mbaya ya garimoshi iliyotokea mapema leo kati ya eneo la Kroonstad na Hennenman, katika mkoa wa Free State nchini Afrika Kusini

Daisy Daniel, msemaji wa Shirika la Reli la Shosholoza Meyl amesema treni hiyo iliacha reli na kugonga lori na gari dogo kabla ya kuripuka.

Amesema garimoshi hilo lilikuwa linatoka Port Elizabeth likielekea mji mkuu Johannesburg kabla ya ajali hiyo iliyotokea katika eneo la Kroonstad, yapata kilomita 200 kusini magharibi mwa Johannesburg.

Msemaji wa Wizara ya Afrika katika mkoa wa Free State, Mondli Mvambi amesema watu wasiopungua 100 wamejeruhiwa katika ajali hiyo na yumkini idadi ya wahanga ikaongezeka kutokaa na majeraha mabaya waliyonayo waathiriwa.

Timu za uoakoaji hata hivyo zinasema waliojeruhiwa katika ajali hiyo ni watu zaidi ya 200.