Dar es Salaam: Wanasiasa wakubwa waliovihama vyama vyao vya upinzani na kwenda kujiunga na chama cha mapinduzi CCM hatimaye leo wamepewa vyeo kama karanga hii ni baada ya Rais John Magufuli kufanya mabadiliko ya wakuu wa mikoa, wa wilaya na makatibu tawala nchini.

Akitangaza mabadiliko hayo leo Julai 28, Rais Magufuli amemteua David Kafulila kuwa Katibu Tawala Mkoa wa Songwe.

Kafulila aliwahi kuwa mbunge wa NCCR-Mageuzi kabla ya kuhamia CCM.

Pia amemteua Moses Machali kuwa Mkuu wa Wilaya ya Nanyumbu. Machali aliwahi mbunge wa Kasulu Mjini, (NCCR-Mageuzi) kabla ya kuhamia ACT-Wazalendo na baadaye CCM.

Kadhalika Rais Magufuli amemteua Patrobas Katambi kuwa Mkuu wa Wilaya ya Dodoma. Katambi alikuwa Mwenyekiti wa Baraza la Vijana la Chadema.