DODOMA: Umoja wa vijana Chama Cha Mapinduzi (UVCCM) wamempongeza Rais John Magufuli na kuahidi kuendelea kumpa ushirikiano.

Hayo yamesemwa leo na Katibu mkuu wa Uvccm Taifa Shaka H. Shaka wakati akizungumza na waandishi wa habari jana mjini hapa.

‘’ Tunampongeza kwa sababu ameweza kusimamia kwa vitendo tunu ya amani, umoja , mshikamano na uzalendo wa Taifa letu na sisi tunamuahidi kuendelea kumuunga mkono’’, amesema.

‘’Lakini sisi kama vijana tutaendelea kupaza sauti zetu kuelezea mema na mazuri ambayo yanafanywa na Dk John Magufuli ndani ya Tanzania ,Afrika na dunia kiujumla’’, alisema.

Aidha amewapongeza wajumbe wa kamati ya utekelezaji wa Uvccm na wajumbe wa baraza kuu la Uvccm Taifa kwa kufanya kazi kwa ufanisi.

‘’ Hakika vilikuwa ni vikao vizito ambavyo vilitawaliwa na hoja juu ya hoja na pia vimetoka na maazimio ambayo sasa tunakwenda kukisaidia Chama cha Mapinduzi’’, alisema.

Mbali na hayo akizungumzia uchaguzi wa viongozi wa Uvccm kwa ngazi za chini kuanzia tawi hadi wilaya Shaka alisema usiaminzi ulifanyika kwa weledi .

‘’kazi imesimamiwa kwa uzuri na kuwachangua viongozi ambao wataweza kusimamia jumuiya yetu kwa kipindi cha miaka mitano 2017/22’’, alisema Shaka.

Pia amewapongeza watendaji wa ngazi zote wakiwemo wakurungezi wa uchaguzi kwa kusimamia uwadilifu, haki na usawa ambao uliwasaidia kupata viongozi wenye uwenzo wa kufanya kazi.

‘’Baada ya kukamilika kwa uchanguzi wa ngazi za chini sasa hatua inayofuata ni uchaguzi wa ngazi ya mikoa na Taifa’’, amesema.

Uchaguzi wa viongozi kuanzia ngazi ya tawi hadi Taifa ulianza mwezi Aprili mwaka huu ambapo kwa sasa wapo kwenye mchakato wa kupitisha wagombea wa nafasi mbalimbali zilizoombwa.