BreakingNews: Taarifa kutoka katika Mji wa Dar es salaam za hivi punde zinaripoti kuwa Treni inayotoa huduma za usafiri katika Jiji la Dar es salaam maarufu kama Treni ya Mwakyembe ambayo huwa inatoka Stesheni ya Dar es Salaam na Pugu Stesheni imepata ajali leo Novemba 2,2018 eneo la Karakata baada ya behewa mbili kuanguka.

Kwa mujibu baadhi ya abiria waliokuwa kwenye treni hiyo wamesema ajali hiyo imetokea leo kwenye saa moja kasoro asubuhi ambapo baada ya kufika eneo hilo mabehewa mawili yalipinduka.

Mmoja wa abiria hao aliyejitambulisha kwa jina la Aisha Harrona amesema yeye alikuwa behewa la la nyuma kutoka mabehewa yaliyoanguka na kwamba baada ya tukio hilo kuna baadhi ya abiria walionekana kuzimia kutokana na hofu. Hata hivyo amesema anashukuru kwani hakushuhudia mtu yoyote kuumia.

Muakilishi media tutaendelea kukujuza kadri tutakapokuwa tunapata taarifa.