Umeamkaje ! Karibu katika uwanja wa habari,na tuangazie taarifa zinazochukua nafasi kubwa alfajiri ya leo,tuaambiwa kuwa

-Tume ya uchaguzi Kenya yaahirisha uchaguzi katika majimbo 4

Kwa Ufupi

Uchaguzi utarudiwa tarehe 28 mwezi huu katika Maeneo manne kutokana na machafuko ambayo yalitokea. Mwenyekiti wa Tume ya Kusimamia Uchaguzi amesema kaunti zilizoathirika ni Siaya, Migori, Kisumu na Homa Bay

-Tukibakia Nchini Kenya,Watu kadhaa wauawa na makumi wajeruhiwa katika uchaguzi wa marudio wa urais

Taarifa inasema,Watu wasiopungua wanne wameuawa katika mkoa wa Nyanza na mji wa Machakos nchini Kenya katika ghasia za uchaguzi wa marudio wa rais uliofanyika jana nchini humo.

Kwa mujibu wa vyombo vya habari vya Kenya watu wawili waliuawa wakati polisi walipopambana na wapinzani wa marudio ya uchaguzi wenye mfungamano na muungano wa upinzani wa NASA huko Kisumu na Homa Bay jana

-Kwengineko,Nchini Burundi,Serikali yaunga mkono marekebisho ya katiba

Serikali ya Burundi imeidhinisha marekebisho ya katiba ambayo yatatoa fursa ya kurefushwa kwa uongozi wa Rais Pierre Nkurunzinza, kulingana na maelezo ya maafisa waandamizi wa serikali hiyo,Huenda uongozi wa rais Pierre Nkurunzinza ukarefushwa kwa miaka mingine 14. Hii ni baada ya serikali ya Burundi inayokabiliwa na migogoro kuidhinisha marekebisho ya katiba ambayo yatatoa fursa ya kurefushwa kwa uongozi wake, kulingana na maelezo ya viongozi wakuu.