Zanzibar: kikosi cha Simba kikitarajiwa kutupa karata yake ya kwanza leo dhidi ya timu ya Mwenge kwenye michuano ya Kombe la Mapinduzi Mratibu wa timu hiyo Abbas Ally amesema mikakati yao mwaka huu ni kuhakikisha wanatwaa taji hilo wao kama mabingwa wa kihistoria.

Club ya Simba inakusudia kumtambulisha rasmi bank wao Asante Kwasi kwenye michuano ya Kombe la Mapinduzi ikicheza na Mwenge uwanja wa Amaan Zanzibar

Akiongea na muakilishi kwa njia ya simu Abbas amesema kuwa wamekuja Zanzibar kwa lengo la kuhakikisha wanabeba taji hilo baada ya kushindwa kufanya hivyo mwaka uliopita kwa kufungwa kwenye mchezo wa mwisho dhidi ya Azam FC.

"Tumejifunza kutokana na makosa yetu safari hii timekuja tukiwa kamili kuhakikisha tuna ondoka Zanzibar tukiwa na kombe letu la Mapinduzi kwasababu tuna kikosi imara ambacho kinakwenda na uwezo halisi wa mashindano lakini pia sisi ndiyo mabingwa wa kihistoria wa michuano hii hivyo hatupo tayari kuona tunachafua rekodi yetu," amesema Abbas.

Kiongozi huyo pia amesema wamekuja Zanzibar wakiwa na nyota wao wote wakiwemo Haruna Niyonzima na Emmanuel Okwi ila wanaweza wasionekane kwenye mechi za awali kutokana na majeruhi waliyokuwa nayo lakini kiongozi huyo akasema katika mchezo wa leo watamtambulisha rasmi beki wao mpya waliyemsajili kwenye dirisha dogo Asante Kwasi.