Raia mmoja wa Marekani Bi Martha O'Donovan' (25) amefikishwa mahakamani Harare Zimbabwe kwa kosa kuu la madai ya kujaribu kuipendua serkali na kuchapisha maandishi kwenye mtando wa Twitter wa kumdhalilisha bw. Mugabe .

Adhabu ya kosa la kuipindua serekali kwa anaepatikana na hatia ni kifungo cha miaka 20 jela.

Idara ya usalama nchini Zimbabwe wanamtuhumu kwamba ndie anayendesha akaunti ya Twitter iitwayo @matigary ambapo kulichapishwa maandishi ya kuhujumu na kumkosea heshima rais Robert Mugabe.

Baadhi ya maandishi yaliyo kwenye akaunti hiyo yanasema ''Nchi yaongozwa na mzee mgonjwa mwenye ubinafsi mkubwa''.

Bi O'Donovan -ambae huendesha mtandao wa video za mizaha ya kisiasa amekana madai hayo akisema hayana msingi wowote.

Katika kipindi cha miaka michache iliyopita mamia ya watu wamekamatwa nchini humo baada ya kutoa matamshi ya kumsema vibaya rais Mugabe na kushtakiwa chini ya sheria iliyopitishwa majuzi inayochukulia swala la kumkosoa rais kuwa kitendo cha kihalifu.