Mwanasheria Mkuu wa Marekani Jeff Sessions amemuonya vikali Rais wa nchi hiyo Bw. Donald Trump nakusema kuwa hataruhusu mambo ya kisiasa kutoka kwa rais Donald Trump yanaathiri kazi katika Ofisi yake.

Trump amesema hivi karibuni kuwa, Bwana Sessions, ameshindwa kuwajibika ipasavyo kazini na hii ni baada ya mwanasheria huyo kuendelea na uchunguzi wa kina kubaini iwapo Urusi iliingia Uchaguzi wa wakwa 2016 na kumsaidia Trump kushinda.

Wakati huo huo, Trump ameonya kuwa iwapo kutakuwa na jaribio lolote la kumwondoa madarakani, uchumi wa Marekani utatikisika.

Trump ameendelea kukabiliwa na ukosoaji mkubwa ndani na nje ya Marekani

Hivi karibuni Rais Donald Trump alipata pigo kubwa mara mbili katika kesi mbili ambazo anaonekana kuhusika. Jumanne wiki hii, Paulo Manafort, meneja wake wa zamani wa kampeni, alipatikana na hatia ya udanganyifu wa kodi na masuala ya kibenki kwa mashtaka nane kati ya 18 yanayomkabili.

Wakati huo huo Michael Cohen, wakili wa zamani wa Donald Trump, alikiri mashtaka nane, sita ya udanganyifu wa kodi na benki na mashitaka mawili yanayohusiana na kufadhili kampeni ya uchaguzi kinyume cha sheria. Mbaya zaidi, mwanasheria wa zamani wa rais alihakikishia mahakamani kuwa alikiuka sheria kwa ombi la rais.

Michael Cohen

Hili ni pigo kubwa kwa rais wa Marekani baada ya kuhusihwa na mtu ambaye alikua akimuamini kwa zaidi ya muongo mmoja. Michael Cohen alieleza mwenyewe kuwa ni mtu wa karibu wa Donald Trump. Alisema kuwa alikuwa akihusika na kutatua matatizo yake. Lakini mwanasheria huyo wa zamani wa rais Trump sasa anaweza kuwa chanzo cha matatizo makubwa kwa Donald Trump.

Mbele ya Mahakama, Michael Cohen alidai alilipa dola 130,000 na 150,000 kwa wanawake wawili ili kuwaziba midomo kuhusu mahusiano yao na Donald Trump kwa ombi la Donald Trump kwa lengo la kushawishi uchaguzi.

Laikini Rais Donald Trump alipuuzia mbali madai hayo ya Bw Cohen