Babati: Jeshi la polisi mkoani Manyara limemkamata na kumshikilia mwalimu wa Shule ya Msingi Rift Valley ya Mjini Babati kwa tuhuma za kumlawiti mwanafunzi wa darasa la tano wa shule hiyo mwenye umri wa miaka 11.

Kwamujibu wa Kamanda wa polisi wa mkoani Manyara, Agostino Senga ameyasema hayo leo Oktoba 5 wakati akizungumza na waandishi wa habari mjini Babati.

Kamanda Senga amesema mwalimu huyo anadaiwa kumlawiti mwanafunzi huyo kwenye bweni la shule hiyo wakati wanafunzi wengine wakiendelea na vipindi vya dini.

Amesema chanzo cha tukio hilo ni tamaa za kimwili na kingono ambapo mwalimu huyo alimuagiza mwanafunzi huyo asizungumzie tukio hilo kwa mtu yeyote.

"Baada ya tukio hilo mtoto huyo alikwenda kumwambia mama yake nasi tukaenda kumkamata mwalimu huyo na tunamshikilia kwa mahojiano zaidi," amesema Kamanda Senga.