Harare: Rais Robert Mugabe anatarajiwa kupokea kiasi cha Dolla za kimarekani 150,000 kila mwezi kama mshahara wake ambacho ni sawa na Tsh milioni 300 kiwango hicho atakuwa akipokea mpaka atakapo fariki Dunia, Mugabe ambaye alijiuzulu kwenye uongozi wa nchi ya Zimbabwe akiwa na umri wa miaka 93 atakua akilipwa mshahara wa kiasi hicho kila mwezi huku mkewe Grace Mugabe akilipwa nusu ya hizo, yaani dola 75,000. Mugabe vile vile amekubaliwa kupewa kiinua mgongo cha milioni 10,000,000, kwa mujibu wa gazeti la Guardian

Rais mpya wa Zimbabwe Emmerson Mnangagwa anatarajia kuunda serikali mpya anayoitaka na kuna taarifa kuwa tayari amevunja baraza la mawaziri lilokua likihudumu katika utawala wa mtangulizi wake Robert Gabriel Mugabe.

Mnangagwa ambaye aliapishwa siku ya Ijumaa Novemba 24, aliwahutubia wananchi wake, huku akiwataka kudumisha demokrasia.

Bw Mnangagwa alichukua hatamu ya uongozi wa Zimbabwe siku chache baada ya mtangulizi wake Robert Gabriel Mugabe kuachia ngazi kwa shinikizo la jeshi na chama chake kufuatia malumbano ndani ya chama chake kuhusu nani atakaemrithi.

Bw Mugabe alimfuta kazi makamu wake Emmerson Mnangagwa kwa kile mkewe Grace Mugabe alichokitaja kuwa alikua na njama za kutaka kumpindua mumewe katika uongozi wa nchi, madai ambayo Bw Mnangagwa alifutilia mbali na kusema ni uongo mtupu.