MPWAPWA DOM: Mkuu wa wilaya ya Mpwapwa Mkoani Dodoma Jabir Shekimweri amesema wameandaa mikakatiitakayoboresha ukusanyaji wa mapato, lengo ikiwa ni kuhakikisha wilaya hiyo inafikia sifa za kuwa Manispaa.

Pamoja na Rais Magufuli kutangaza Jiji la Dodoma kuongozakwa ukusanyaji wa mapato amesema wanaandaa ‘ programu’ mbalimbali zitakazohakikisha wanakusanya mapato kwa weledi na kuboresha miundombinu katika jamii.

Akizungumza kwenye kikao cha wadau wa maendeleo kilichofanyika leo katika ukumbi wa ofisini kwake, Mkuu huyo amesema hiyo ni fursa kwa wananchi wa wilaya ya Mpwapwa ambayo wanatakiw akuichangamkia.

“Jiji la Dodoma linajenga uwanja wa michezo wa taifa, panajengwa uwanja mkubwa wa ndege pale, linajengwa soko la kisasa na stand ya kisasa, kwa hiyo uchumi utakuwa kwa kasi na ndiyo maana nasi tunatakiwa kuwa sambamba na fursa hizo,” amesema Shekimweri

Mkuu huyo ameagiza minada yote kuijiimarisha kwa mapato lakini wajenge vyoo kabla ya mwisho wa mwezi Oktoba ili kuwa na ubora wa huduma utakaopelekea kuongezeka mapato.