Dar es salaam: Mfanyabiasha Maarufu nchini Tanzania na Bilionea Kijana barani Afrika Mohamed Dewji maarufu kama Modewji ametoa shukrani zake za dhati kwa watu woote waliokuwa wanamuombea ili aweze kupatikana baada ya kutekwa.

MO ameongea hayo jioni ya Leo Octoba 22, 2018 kupitia ukurasa wake wa Twitter, hii inakuwa ni kwa mara ya kwanza kwa bilionea huyo kuongea na watanzania Baada ya kutekwa siku ya Alhamisi ya Tarehe 11 Octoba 2018.

"Nianze kwa kumshukuru Mungu kwa kuokoa maisha yangu. Pamoja na kupitia kipindi kigumu lakini daima amesimama upande wangu. Marafiki zangu, napenda kuwashukuru wote kwa maombi yenu na kunitakia kheri. Mungu awazidishie kwa wema wenu. Baraka za Mungu ziwe nanyi leo na daima." aliandika Modewji

Hii Inakuwa ni twit yake ya kwanza kwa tajiri huyo ambae ni mmiliki wa club ya simba kwa asilimia 47% kuandika kwenye mitandao yake ya kijamii.

Mara ya mwisho MO aliandika "Your ability to handle chaos determines how you progress in life. How you manage and embrace chaos will always be one of your greatest strengths. #LifeLongSkill" ambapo ujumbe huu aliuandika Octoba 10, 2018 siku moja kabla ya Kutekwa kwake.

MO Alitekwa mnao Octoba 11, 2018 siku ya Alhamisi katika hoteli ya Collisium Jijini Dar es salaam.