Dar es salaam: Kampuni ya YONO Auction Mart inatarajia kuendesha mnada wa nyumba mbili za mfanyabiashara maarufu nchini Said Lugumu zilizopo eneo la Mbweni JKT, awali mnada wa nyumba hizo ulivurugwa na Bilionea maarufa kwa sasa Dr. Louis shika Novemba 9, 2017 ambapo Shika alishindwa kutoa asilimia 20% ya fedha ya ununuzi wa awali wa nyumba hizo, tukio lililomfanya Mnunuzi huyo kushikiliwa na Jeshi la polisi kwa kosa la kuvuruga Mnada huo na kuachiwa huru kwa dhamana siku ya tatu yake.

Shika alifikia bei nyumba hizo mbili ambapo moja alishinda mnada kwa kununua kiasi cha Tsh. milioni 900 na nyingine kiasi cha Tsh. 1.2bilioni, Shika alihitajika kutoa Tsh. milioni 420 kama asilimia 20 ya ununuzi wa awali wa nyumba hizo mbili, masharti hayo shika alishindwa kwa sababu pesa zake ziko nchini Urusi kwahiyo anataka kufanya transfer (uhamisho) kutoka Urusi mapaka Tanzania na haitafanyika kwa siku moja.

Novemba 18, 2017 Dr. shika alionesha nakala ya Malipo ya kulipia bima ya kusafirisha pesa yake (insurance fund transfer) aliyoyafanya kwenye bank ya Posta nakusema kuwa muda wowote pesa yake itaingia kutoka nchini Urusi ili awezi kushiriki mnada ujao unaofanyika kesho tarehe 24.11.2017.

Kampuni ya Yono imepewa mamlaka na serekali kuuza nyumba za mfanya biashara Said Lugumi ili kufidia deni la kodi la Tsh. 14 bilioni analodaiwa na mamlaka ya mapato Tanzania TRA