BreakingNews: Mbunge wa Jimbo la Temeke Jijini Dar es salaam Abdallah Mtolea wa Chama cha wananchi CUF ametangaza rasmi kujivua uanachama wa chama hicho pamoja na kuachia nafasi yake ya Ubunge kuanzia hivi sasa.

Mtolea ameatangaza uamuzi huo hii leo mchana Novemba 15, 2018 Bungeni jijini Dodoma .

Idadi ya madiwani na wabunge wa vyama vya upinzani, wanaohamia CCM imekuwa ikiongezeka siku hadi siku wote wakiwa na Kauli moja tu kuwa wanaenda kuunga jitihada za Rais Magufuli.

Wabunge na madiwani waliohama wengi wao wakiwa wanatoka Chama cha Demokrasia na Maendeleo (Chadema) na Chama cha Wanachi (CUF) waliojiuzulu na kuhamia Chama Cha Mapinduzi (CCM), ambapo idadi ya viongozi hao mpaka sasa imefikia 140 nchini nzima.

Takwimu zinaonyesha tangu mwaka 2016 hadi 2018 idadi ya madiwani wa Chadema waliojiunga CCM imefikia 130 huku CUF ikifikia tisa.

Lakini kumekuwepo kwa hali ya manung'uniko kwa Wanachama wa CCM wamuda mrefu katika chama hicho ambao wamekuwa wakilalamika chini kwa chini kitendo cha wabunge wa Upinzani kuhamia CCM na kupewa vyeo mbali mbali kama Ubunge, Naibu waziri, Ukuu wa mkoa na Ukuu wa wilaya ili hali wao wapo tayari kuwatumika wananchi na wakiwa wanasifa aidha zinazofanana au zinazo wazidi kabisa.