Waziri wa Nchi, Ofisi ya Rais,Tawala za Mikoa na Serikali za Mitaa(TAMISEMI) Selemani Jafo amemwagia sifa Mbunge wa jimbo la Biharamulo Magharibi Oscar Mukasa kwa kazi kubwa anayoifanya ya kuwatumikia wananchi wake.

Waziri Jafo amempongeza mbunge huyo alipokuwa akikagua kituo cha afya Nyakanazi kilichoboreshwa na serikali kwa gharama ya shilingi milioni 500.

Jafo ameonyesha kufurahishwa sana kwa kazi nzuri iliyofanywa katika kituo hicho cha afya.

Aidha Waziri Jafo aliwataka viongozi na wananchi wa Biharamulo kukamilisha ujenzi wa kituo cha afya kingine kilichopata fedha kiasi cha shilingi milioni 400 kabla ya mwezi Novemba mwaka huu.