Lindi: Mbunge wa Kilwa Kusini Suleiman Bungara maarufu kama BWEGE amekamatwa Usiku wa Jana na jeshi la Polisi wilayani hapo Yeye pamoja na Mwenyekiti wa Halmashauri ya Kilwa na Msemaji wa Chama cha Wananchi ( CUF ) Mbarara Maharagande katika kituo cha Polisi Kilwa.

Wote hao wamekamatwa kwa kile kinachodaiwa kuwa ni uchochezi wanaoufanya viongozi wa CUF kwa wananchi.

Mbunge wa Kigoma Mjini Zitto Kabwe amedhibitisha kuwasiliana na Mbunge huyo muda mfupi baada ya kukamatwa kwake "Nimezungumza na Mbunge wa Kilwa Kusini ndg Suleiman Bungara akiwa kituo cha Polisi Kilwa. Yeye pamoja na Mwenyekiti wa Halmashauri ya Kilwa na Ndg. Mbarara Maharagande, Msemaji wa Chama cha Wananchi ( CUF ) wamekamatwa na polisi na wapo kituoni kwa kinachoitwa uchochezi" aliandika Zitto.