Dar es Salaam: Mnada unaoendesha harakati ya kuyauza Makontena 20 ya Mkuu wa Mkoa wa Dar es Salaam Paul makonda yenye Samani za ndani umeshinda kuyauza kwa mara ya nne mfululizo makontena hayo.

Akizungumza kwenye mnada huo leo Jumamosi Septemba 15, 2018, mkurugenzi mtendaji wa kampuni ya udalali ya Yono, Scolastica Kevela amesema mnada huo umeendeshwa lakini mnunuzi hajapatikana. Kevela amesema hadi sasa bei zinazofikiwa na wateja hazijafikia malengo waliyowekewa. Soma zaidi. :Mbunge ampongeza Waziri Mpango kwa kumshughulikia Makonda

“Ni kweli wateja wanakuja na bei lakini hazijafikia zile ambazo TRA (Mamlaka ya Mapato Tanzania) wametuwekea kama kodi yao," amesema. Amesema wao kama madalali wataendelea kufanya utafiti wa kuwapata wateja.

Wateja wachache waliokuwa kwenye mnada huo walionekana kutaja bei lakini hakuna hata mmoja aliyefanikiwa kufikia kiwango kilichowekwa.