Dar es Salaam: Mamia ya wakazi wa Tandale leo Ijumaa Oct. 5, 2018 wamejitokeza kwa wingi katika uwanja wa magunia ajili ya kumsubiri mwanamuziki Diamond Platnumz katika utaratibu alioutangaza wa kugawa zawadi mbalimbali katika hali ya kusherekea siku yake ya kuzaliwa.

Idadi ya watu ni wengi sana na huenda zoezi lisifanyike kama ilivyopangwa.

Zaidi ya wageni 10 walikwa wamefanikiwa kuwasili katika maeneo ya Tandale Maguniani.

Diamond ameanza mfululizo wa kusherehekea kumbukumbu ya siku yake ya kuzaliwa kwa kutoa zawadi mbalimbali kwa wakazi wa Tandale, eneo alilozaliwa na kuishi.

Muakilishi.com imeshuhudia idadi kubwa ya watu ikimiminika katika uwanja huo, wakiwemo akina mama, watoto, wanafunzi na vijana mbali mbali.

Muakilishi tumepiga stori na baadhi ya wakina mama waliohudhuria, Hamisa Juma Ni mmoja wa waliofika eneo hilo tangu asubuhi kwa ajili ya kuwahi foleni ya kujiandikisha jina kwa ajili ya kupata mtaji wa Sh200,000 ambazo msanii huyo atatoa.

Aidha amesema hajafurahishwa na utaratibu wa kujiandikisha kwa kuwa wanaoandikisha majina wapo wachache na watu ni wengi.