Kwa mujibu wa mtandao wa People’s Daily, unaripoti kuwa Shaolini mmoja kwa jina Zhao Rui anauwezo wa kukandamiza mashine ya kutobolea vitu vyenye nguvu kwa zaidi ya sekunde 10 katika kichwa au ngozi yake bila athari lakini ikiacha doa dogo jekundu tu pale ilipogandamizwa na kitu hicho hakina uwezo wa kumtoboa.

Maonesho yake hulenga kuonesha namna kijana huyo mwenye umri wa miaka 24 alivyoweza kuufanyisha mazoezi mwili wake tangu utotoni.

Mazoezi hayo yalihusisha mafunzo ya sanaa ya mapigano ya mikono – na ujuzi wake umemfanya kuwa nyota katika jiji la nyumbani kwake la Mianzhu katika jimbi la kusini magharibi mwa China la Sichuan.

Lakini kijana huyo alikiri kuwa kwa bahati mbaya aliwahi kutoboa shimo katika kichwa chake wakati akifanya onesho, akachana sehemu ya ngozi.

Anasema: “Iliuma sana lakini nilipona na kujifunza namna ya kukabiliana nayo na sasa naweza kufanya kitendo hicho mara kwa mara bila matatizo yoyote.”

Na kuthibitisha hilo kwa mwandishi alishikilia mashine ya umeme ya kutoboa dhidi ya kichwa chake kwa sekunde 10 bila matatizo.

Shuhuda Lian Tang (25) anasema: “Ilishangaza kwa sababu baada ya kuondoa mashine ya kutobolea, hakukuwa na damu bali alama ya wekundu eneo ambalo mashine ya kutobolea iligandamizwa.”

Mtaalamu huyo wa kung’fu alianza kujifunza sanaa za mapigano tangu akiwa mtoto baada ya kuvutiwa nayo na katika umri wa miaka 16 alitoroka nyumbani kwenda kujiunga na Hekalu la Shaolin.