Dar es salaam: Aleykuwa mwenyekiti wa kamati ya Uwongozi wa chama cha wananchi CUF Julius Mtatiro ajiuzulu nyazifa zake zoote alizokuwa nazo katika chama hicho na kuonesha nia rasmi ya Kujiunga na chama cha Mapinduzi CCM

Akizungumza na waandishi habari leo Agosti 11, 2018, Mtatiro amesema ametafakari kwa miaka zaidi ya kumi aliyofanya siasa na kuona kwamba umefika wakati wa kuunga mkono juhudi za Rais John Magufuli. “Masuala ya misimamo yangu ya sera na ilani ya CUF na misimamo ya CUF hayo yanabaki CUF, hivi sasa mimi ni Mtatiro ambaye ninajiandaa kuhamia CCM, kama mwananchi ninayo haki kikatiba,”amesema.

Amesema amejiridhisha kwa hitaji ya nafasi yake kwamba ajiunge na CCM na akasema anawajulisha watanzania kuwa ameanza mipango ya kutekeleza hilo mara moja.

Mtatiro ameongeza kuwa hajanunuliwa wala kurubuniwa na CCM bali ametumia siku ya leo kuonesha tu nia ya kutaka kujiunga na chama hicho.