Kibaha: Watu wanane wanashililiwa na Jeshi la Polisi mkoani Pwani kwakuhusika na mtandao wa wizi wa vifaa vya umeme, ambavyo ni televisheni 10 'Flat Screen' za aina mbalimbali zenye jumla ya thamani ya zaidi ya shilingi milioni 18.8 ambazo ziliibiwa maeneo mbalimbali ya mkoa huo.

Akizungumza na waandishi wa habari ofisini kwake mjini Kibaha leo Ijumaa, Kamanda wa Polisi mkoani huko, Wankyo Nyigesa amesema kuwa wamefanikiwa kuwakamata watuhumiwa nane wanashikiliwa kwa tuhuma hizo.

Ameongeza kuwa jeshi hilo limefanikiwa kukamata jenereta mbili, deki mbili, vingamuzi viwili, spika mbili, redio kubwa mbili na madumu 10 ya lita 20 kila moja ambayo yameibiwa kwenye mradi wa reli ya SGR Soga, Kibaha. Kingine walichokutwa nayo watuhumiwa hao ni kiroba cha bangi.