Dar es salaam: Jeshi la Polisi Kanda Maalumu ya Dar es Salaam, limesema halijamkamata Askofu wa Kanisa la Full Gospel Bible Fellowship (FGBF), Zacharia Kakobe kama baadhi ya taarifa zinavyosamabazwa. Kamanda Lazaro Mambosasa amesema, kuwa jeshi litamkamata endapo kutakuwa na ulazima wa kufanya hivyo

Tarehe 27 Desemba mwaka huu Askofu Kakobe akiwa kwenye Ibada katika kanisa lake la Full Gospel Bible Fellowship alisema kuwa yeye kama kiongozi wa kiroho amepewa kazi ya kuwajulisha viongozi makosa na dhabi zao haijalishi ni mtu wa aina gani akiwa waziri, Rais akifanya dhambi lazima ambiwe.

"mtawala akikegeuka kakobe anamwambia hapa umekegeuka, mimi sihitaji chai ya ikulu, sababu majani ya chai ya ikulu ni yaleyale ya mufindi hayana dhahabu ndani yake" alisema kakobe

Pia kakobe alisema kuwa yeye haitaji pesa kwasababu anapesa kuliko hata serekali yenyewe "nimewaambia waandishi wa habari kuwa hakuna wa kunihonga mimi, wakunipa hela yoyote hata waziri akiwa hana hela aje nitamkopesha, lakini neno hili lazima litapelekwa vile vile lilivyo" aliongea Kakobe