Dar es salaam: Mkuu wa Jeshi la Polisi nchini IGP Simoni Sirro amesema kwamujibu wa Uchunguzi wao walioufanya mpaka sasa wamebaini kuwa Watekaji waliomteka Mfanyabiashara Maarufu Bilionea Mohamed Dewj maarufu kama MO walikuwa na gari aina ya Toyota Surf.

Akiongea na waandishi wa Habari Leo Octoba 19, 2018 Sirro amesema kuwa wamefuatilia kupitia Camera za Usalama zilizoko katika maeneo mbalimbali jijini Dar es Salaam, na wakagundua kuwa kumbukumbu za gari hilo zilipotelea katika eneo la 'round about' ya kwenda Kawe, "hivyo bado tunaendelea kufuatilia walielekea maeneo gani, ambapo tunafanya uchunguzi katika 'apartments' zilizopo maeneo hayo" amesema Sirro

IGP sirro amekiri kushirikiana na wachunguzi wa Kimataifa yaani InterPool na kuongeza kuwa mwenye maamuzi ya kuamua ni nani wakushirikiana nae kwenye swala la uchunguzi ni Maamuzi ya Amiri jeshi mkuu ambae ni Rais Magufuli "Sisi tunashirikiana na Interpool vizuri sana swala la nani aje kutusaidia sisi vyombo vya dola ndo tunaweza kuona na tukiona tutamwambia amiri jeshi mkuu aturuhusu kufanya hivyo“ IGP Simon Siro

‘’Tumepata risasi mbili tunazifanyia uchunguzi kwenye’ laboratory’ yetu ya Polisi tumebaini risasi ina ukubwa wa milimita 9"

Pia Sirro ameonya kuwa, yeyote anayetaka kuchafua taswira ya nchi akikamatwa atagongwa kwa mujibu wa sheria hadi ajue hii ni Tanzania.