Mtandao wa Express unatoa Taarifa kutoka kunako Klabu ya Real Madrid ambazo zinasema kuwa inajiandaa kutoa kiasi cha paundi za uingereza milioni 200 kwaajili ya kumnasa mshambuliaji wa kimataifa wa Ubelgiji Eden Hazard. awali Madrid waliweka kiwango cha Paundi milioni 130 kunasa saini ya mshambuliaji huyo ambapo juhudi zao hazikufua dafu.

Real Madrid pia inalenga kumsajili kiungo mchezeshaji wa kimataifa wa Denmark na klabu ya Tottenham ya Uingereza, Christian Eriksen, ikiwa kiungo wake mwenye umri wa miaka 32 raia wa Croatia Luka Mondric ataamua kuondoka kujiunga na Inter Milan. (Sun)

Club ya Barcelona inaendelea kumuwinda mchezaji wa mashetani wekundu Manchester United Paul Pogba baada ya msimu wa joto wa kununua wachezaji kukamilika tarehe 31 Agosti kufuatia kukubali kuwa Manchester United hawatamuuaza mchezaji huyo mwenye miaka 25 raia wa Ufarasa mwezi huu.

Mlinda mlango wa klabu wa Atletico Madrid Jan Oblakm mwenye umri wa miaka 25 amekataa kujiunga na klabu ya Chelsea licha ya timu hiyo kufikia dau la kuvunja kipengele cha mkataba wake cha paundi milioni 90. (sunday Times)

Kocha wa timu ya taifa ya Ubelgiji Riberto Martinez na msaidizi wake Thierry Henry wamo kwenye orodha ya kuziba nafasi ya kocha wa klabu ya Leicester City Claude Puel ambaye ana mechi mbili za kunusuru kibarua chake. (Sunday Mirror).

Beki wa kushoto wa klabu ya Leicester City ben Chilwell mwenye umri wa miaka 21, amesema mchezaji mwenzake raia wa Uingereza Harry Maguire aliyekuwa akihusishwa na kuhamia kwenye klabu ya Manchester United, atasalia kwenye timu yake mpaka mwishoni mwa msimu na hata ondoka kwenye dirisha la usajili la mwezi January. (Daily Star on Sunday).