Waziri wa Habari sanaa utamaduni na michezo Dkt. Harrison Mwakyembe ametuma salamu za pole kwa viongozi na wafanyakazi wa Clouds Media group kufuatia ajali ya sehemu ya jengo la kituo hicho kuungua kwa moto

Jengo lilo la Clouds media liliungua juzi mchana katika baadhi ya sehemu za kurushia matangazo,ambapo mpaka sasa imeelezwa chanzo cha moto huo hakijajulikana

Waziri mwenye dhamana ya habari Dkt Mwakyembe ametuma salamu za pole kwa uongozi mzima wa kitua hicho cha habari kwa tafrani nzima iliyowakumba,ambapo pia waziri mwekyembe ameoneshwa kushtushwa na taarifa hizo za kuungua moto kwa jengo hilo

Taarifa za kuungua kwa jengo hilo amezipokea akiwa mkoani Iringa ambako ameenda kwa ajili ya ziara fupi ya kikazi,huku akizitaka taasisi husika za uchunguzi kuanza kazi ya ya uchunguzi mara moja ili kubaini chanza cha moto huo

Aidha Dkt Harrison Mwakyembe amesema amelishukuru jeshi la zimamoto kwa kuwahi eneo la tukio na kuweza kudhitibiti sehemu ya moto huo,ili usiendelee kuleta madhara

kwa upande wake,Mkurugenzi wa uzalishaji wa vipindi Clouds media,ndugu Ruge Mutahaba,pamoja na kukubwa na janga hilo ameahidi,matangazo ya Radio na Television yataendelea kuwa hewani kama kawaida

Ndugu Ruge,amesema lengo lao ni kuhakikisha wanatenda haki na kulinda usawa kwa wasikilizaji na watazamaji wa kituo hicho cha habari.