Dar es salaam: Star wa muziki nchini Tanzania na Africa mashariki kwa ujumla Diamond Platnumz Jana alizuiliwa kwenda nchini Madagasca na Baraza la sanaa Tanzania BASATA kwa madai ya kutokua na kibali cha kufanya show njee ya mipaka ya nchii.

amesema alilazimika kusubiri kwa saa tisa katika Uwanja wa Ndege wa Mwalimu Julius Nyerere kwa kutokuwa na kibali hicho cha (Basata).

Mwanamuziki huyo wa IYENA alikuwa akielekea katika visiwa vya Madagascar na Mayote ambako atatumbuiza leo (Julai 27) na kesho (Julai 28).

Meneja wa mwanamuziki huyo, Babu Tale amesema Diamond alitakiwa kuondoka jana Saa 3.00 asubuhi lakini baada ya kuzuiliwa ilibidi aondoke saa 11.00 jioni baada ya kukamilisha taratibu za kupata kibali hicho.

“Ni kweli jana msanii wangu (Diamond) alikumbana na mkono wa Basata akiwa uwanja wa ndege. Kwa kuwa tulishalipwa hela ya watu ikabidi tukishughulikie kibali haraka ili aweze kuondoka nchini,” anasema.

Hata hivyo, alilaumu Basata kwa kushindwa kuweka wazi kanuni zake ili wasanii wazijue badala ya kuwasubiri wakosee ili wawachukulie hatua.

“Ninashauri kama Basata wana chochote wanataka wasanii wakifanye wakishirikishe ili kuepusha mzozo,” anasema