Baraza la Sanaa la Taifa (BASATA) limekanusha kuwa halijaufungulia wimbo wa ‘Mwanza’ waliomba wasanii kutoka label ya WCB Wasafi Raymond Shabani (Rayvany) na Nasibu Abdul (Diamond Platnumz) na kutaka wimbo huo kutoendelea kuchezwa na kutumika popote pale.

Baraza hilo limesisitiza kwamba wimbo huo haujafunguliwa wala kuruhusiwa kutumika kwa jamii wala kusambazwa kwa namna yoyote ile.
“Baraza limefikia hatua ya kutoa tamko hilo la kukanisha baada ya habari kusambaa kwenye baadhi ya mitandao ya kijamii kuwa limeufungulia wimbo huo wa ‘Mwanza’ kuendelea kutumika katika jamii,’’ ilieleza taarifa hiyo.

Novemba 12 Baraza hilo lilitoa taarifa kwa umma ya kuufungia wimbo huo kutokana na sababu za maadili.