Bukoba: Taarifa kubwa kutoka Mkoani Kagera zimeripoti kuwa Askofu mkuu wa Jimbo la kiKatoliki la Bukoba mkoa humo Desiderius Rwoma amekemea vitendo vya ushoga lakini akawataka wanaofanya dhambi kama hiyo wasitengwe na kubaguliwa na jamii na badala yake wasaidiwe na kuonyeshwa ubaya wa wanachofanya.

Askofu Rwoma amesema kumvumilia mkosefu yeyote haina maana ya kumuunga mkono na kuwa ushoga ni dhambi na laana na watu wenye tabia hiyo wanahitaji msaada wa matibabu na huduma za kisaikolojia na sio kuwatenga.

Katika mahubiri yake leo katika siku ya wanaume wa Jimbo Katoliki kwenye kanisa la Bikra Maria Mama wa Huruma, Askofu Rwoma ametaka uwepo wa sheria za kudhibiti vitendo vya ushoga nchini.