Askari wa kikosi cha Jeshi la Wananchi Tanzania (JWTZ) wa KJ514 Makambako(private) mkoani Jombe kajiua kwa kujipiga na risasi siku ya jana July 31 majira ya saa 11.40 PM kutokana kisa cha mapenzi.

Katika maelezo ambayo yametolewa na mmoja wa askari aliyekuwa na ukaribu zaidi na marehem anasema siku hiyo marehemu alifika mapema saa kumi na moja jioni badala ya saa kumi na mbili kama muda wake rasmi wa kuripoti.

Alivyofika alikuwa tofauti na siku zote maana hakuwa na ile hali ya uchangamfu kama ilivyozoeleka.

Baadaye kidogo akawa anamsimulia askari mwenzie huyo aliyekuwa zamu siku hiyo kuhusu suala linalomtatiza na kumnyima raha kuwa kuna binti amemsomesha na kumlipia mahitaji kipindi chote cha kozi yake na walikuwa wana malengo naye ya muda mrefu mpaka familia yake walikuwa wanajua lakini ghafla hapa juzi zilitoka “ajira za Magufuli” huyo binti baada ya kuajiriwa amemblock jamaa na alipoenda kwa ndugu zake wakasema wao hawamtambui na mume halisi wa binti wanamjua na hata kumsomesha ndiye kamsomesha chuo kipindi chote.

Baada ya kumwambia mwenzie hivyo akawa kama anamuomba ushauri mwenzie na mwenzie akamshauri asahau kwa kuwa ndiyo ya dunia na jamaa akawa kama karidhika ila ghafla akanyanyuka na kumuaga mwenzie kuwa anakwenda kuzungumza na mkuu ndipo baada ya muda mchache wakasikia mlio wa risasi ambapo alikutwa anaelekea katika hatua ya mwisho ya uhai.