Mtwara: Jeshi la polisi mkoani Mtwara linamshikilia mkazi wa Mkalapa wilayani Masasi kwa tuhuma za kumuuwa kwa kumkata panga shingoni. mtoto Clara Thomas mwenye umri wa miaka 2 ambapo kimsingi mtoto huyo ni wa mwanamke aliyewahi kuwa mke wake

kamanda wa polisi Mkoa wa Mtwara, Lucas Mkondya amedhibitisha tukio hilo leo Jumamosi sept 15 na kuelezea kuwa tukio hilo lilitokea jana Ijumaa katika Kijiji cha Chibwini baada ya mama mzazi wa marehemu kwenda kumtembelea mama wa mtuhumiwa ili kuwasalimia watoto aliowaacha kwa mwanaume huyo.

“Mtuhumiwa amezaa na mama wa marehemu watoto wawili na baada ya hapo wakaachana, lakini huyu mwanamke, alikwenda Msumbiji na kuolewa kisha kumzaa Clara (marehemu),”amesema Mkondya.

Kamanda Mkondya amesema baada ya mama kukaa muda mrefu Msumbiji alifunga safari kuja Masasi kwa ajili ya kuwasalimia watoto nyumbani kwa mkwewe wa zamani. “Wakati mama wa marehemu anafika nyumbani hapo, (mtuhumiwa) alikuwa shambani lakini alirudi nyumbani baada ya kupata taarifa kuwa mzazi mwenzake amefika kuwasalimu watoto,” amesema Kamanda. Kamanda Mkondya ameeleza kuwa, wakati Clara anakwenda nyuma ya nyumba kujisaidia, mtuhumiwa alimfuata nyuma na kumkata panga shingoni. Amesema polisi wanakamilisha upelelezi na utakapokamilika watamfikisha mahakamni