LINDI: Mkuu wa Jeshi la polisi nchini Tanzania (IGP) Simoni Sirro, ametoa salamu kwa watanzania wote kuwa wameimarisha ulinzi na usalama katika kipindi hiki cha sikukuu za Chrismas na mwaka mpya .

Sirro amesema hayo le Ijumaa December 22, 2017 Mkoani Lindi alipokuwa katika ziara ya kikazi nakuwataka watanzania washerehekee sikuuu za Krismas na Mwaka mpya kwa uhuru, kwani wao kama jeshi la polisi wamejipanga kwa ulinzi wa raia na mali zao.

"Timu zetu mbalimbali zimejipanga tumeanza doria tayari kabisa kwa kuimarisha ulinzi na usalama kwa raia wema na pia natoa tahadhari kwa wale watu ambao wanafikiria kufanya vitendo vya uvunjifu wa amani hatua kali za kisheria tutachukua dhidi yao.

Mkuu huyo wa polisi ameyasema hayo zikiwa zimebakia siku chache tu kuelekea kwenye sikukuu hizo za mwisho wa mwaka.