Meneja mkuu wa club ya Manchester United Jose Mourinho amekanusha kuwa hana tatizo na mchezaji wa club hiyo Paul Pogba licha ya kumwambia mfaransa huyo kuwa hatowahi tena kuwa nahodha wa klabu chini ya Utawala wake.

Kocha huyo wa Kireno alimwambia Pogba kwamba sio nahodha wa klabu hiyo kutokana na tabia yake.

''Ukweli ni kwamba nimechukua uamuzi huo ili asiwe nahodha wa pili lakini hakuna tatizo lolote kati yetu'', alisema Mourinho.

''Mimi ndio meneja ninaweza kufanya maamuzi kama hayo''.

Akizungumza na chombo cha habari cha Sky Sports aliongezea: Hakuna tofauti zozote kati yetu ni uamuzi tu ambao sio lazima nieleze.

Mourinho amejaribu kuonyesha uzito wake baada ya kosa la Pogba kuisaidia timu ya Wolves kufunga bao la kusawazisha katika uwanja wa Old Trafford siku ya Jumamosi mbali na mchezaji huyo kukosoa mbinu zinazotumika.

Pogba alijaribu kupuuzilia mbali matamshi yake katika mtandao wa twitter siku ya Jumatatu. Lakini katika ripoti yake ya mechi ya Jumanne ambayo Derby ilishinda kwa njia ya penalti , Mourinho alisema kuwa hafurahishwi na baadhi ya wachezaji wak