Kocha wa timu ya mpira wa mikono, Black mamba ya nchini kenya,Abdallah Otieno ameahidi kuchukua ubingwa wa mashindano ya afrika mashariki na kati yanayofanyika katika viwanja vya indoor taifa jijini Dar es salaam

Black mamba ilishinda katika mchezo wake wa kwanza wa ufunguzi jumla ya mabao 25 kwa 20,dhidi ya timu ngumu ya jeshi Jkt ya Tanzania

Akizungumza na Muakilishi.com mara baada ya mchezo dhidi ya Jkt ,Abdallah Otieno alisema mwaka huu wamekusudia kuchukua ubingwa huo kwani wamechoka kuwa washindi wa pili kwa miaka mitatu mfululizo

Kocha huyo amesema wanajivunia na kikosi imara walichonacho na kwa asilimia kubwa kile anachowaagiza wachezaji wake ndicho ambacho wanakitekeleza,hivyo hawawezi kumuangusha mpaka mwisho wa mashindano ambapo timu yake itaibuka kuwa mabingwa

"tumekuwa tukishiriki mara nyingi lakini tunaishia kuwa washindi wa pili,ila mwaka huu lazima tuchukue ubingwa,nashukuru ninachowaagiza wachezaji wangu wanatekeleza kwa kaisi kikubwa"alisema Otieno

pia alisema maandalizi waliyoyafanya ni mazuri hivyo,hawatarajii kupoteza mchezo wowote,kwani lengo lao kubwa ni kuchukua ubingwa na sio vinginevyo

Timu ya Black mamba ilianza kwa ushindi katika mchezo wa ufunguzi dhidi ya Jkt ya tanzania,na mchezo wao wa pili utakuwa dhidi ya polisi kutoka nchini Kongo ambayo ilishinda katika mchezo wao wa kwanza kwa kuwafunga timu ya Chuo kikuu ya kenya kwa mabao 24 kwa 21.