Dar es salaam: Muigizaji maarufu hapa nchini Wema Abraham Sepetu (Wemasepetu) amewakataza waandishi wote wa Habari kuingia kwenye Uzinduzi wa Filamu yake ya D.A.D aliyomshirikisha Van Vicker iliyokuwa inafanyika Jana Ijumaa Sept. 28, 2018

Akizungumza nje ya hafla hiyo Meneja wa Wema Sepetu, Martin Kadinda amesema shughuli hiyo ilishanunuliwa na moja ya chombo cha habari hapa nchini ambao wana mamlaka yote ya kurusha kwa matangazo ya moja kwa moja na kupiga Picha zote.

Tumepiga stori na baadhi ya wanahabari wameeleza kuwa hicho ni kitu kibaya kwani mpaka kuweza kuingia ndani ni lazima kulipa Dola elfu 20.

Hivyo basi kitendo hiko kilichofanywa na waandaaji wa shughuli hiyo kimewanyima nafasi wanahabari ,na sio la haki kwani mpaka alipofikia nguvu nyingi zimetokana na kushirikiana na wanahabari.

Wanahabari wamesema kitendo hiko kinaweza kuibua matabaka, pamoja na chuki kutokana na ubaguzi huo uliofanyika katika hafla hiyo na watu kutafsiri vibaya kuwa imeonekana chombo hicho kuwa bora kuliko vingine.

Van Vicker aliwasii nchini jana kwa ajili ya uzinduzi wa filamu hiyo iliyofanywa miaka mitatu iliyopita.