Msanii wa muziki wa Bongo Flava, Barakah The Prince amedai kuwa mtandao wake wa kijamii wa YouTube unafanyiwa mchezo mchafu ili kushusha idadi ya watazamaji wa kazi zake

Akizungumza kwenye mahojiano maalumu muimbaji huyo ambaye kwa sasa anafanya vizuri na ngoma yake mpya ‘Sometimes’ amesema kuwa idadi ya watazamaji kwenye matandao wake,wamekuwa wakipanda na kushuka na hata muda mwingine maoni ya mashabiki zake kufutwa

“Kwa upande wa YouTube kuna mchezo mchafu unafanyika kwa sasa hivi, kwa mfano wimbo wangu kama jana ulikuwa ni namba saba kwenye trending ukiangalia video za watu wengine ni namba 40 lakini views wake ni milioni 4.4, nyingine inasoma namba 10 ukiangalia views zake ni laki 5.8 lakini mimi ambayo nina views elfu 20 ninasoma namba saba kwa nini iwe hivyo?” alihoji Barakah

Amesema kuwa kuna baadhi ya nchini ikiwemo China mashabiki wake wamekuwa wakilalamika haiwapati video yake lakini video za wa wasanii wengine zinapatikana

“Kuna mchezo mchafu unafanyika wa ku-block views wangu hata Mx kaniambia kuna mchezo mchafu unafanyika” aliongoza

Hata hivyo ameweka wazi kuwa watu wenye dhamana ya kuendesha mtandao wake huo ni Mx Carter na Seven Mosha wa RockStar4000 kutokana na makubaliano ya hapo awali, pia ameeleza kuwa yupo katika utaratibu wa kufuta akaunti hiyo na kufungua nyingine

Ngoma ya Barakah ‘Sometimes’ video yake ilitoka October 28 mwaka huu lakini hivi sasa haipatikani YouTube imeondolewa