Msanii wa Bongo fleva anayefanya vizuri kwa sasa katika muziki,Aslay amesema hapendezeshwi na baadhi ya watu wanaojaribu kutaka kufananisha na wasanii wakubwa akiwemo Diamond Platnumz na Alikiba

Aslay ambaye kwasasa ameishikia Bongo fleva,huku akitamba na ngoma yake ya 'Natamba' amesema bado kuna kazi kubwa yakufanya ili kuweza kufikia hatua ambayo wasanii anaofananishwa nao wanayo

Akizungumza kwenye mahojiano maalumu msanii huyo amesema kitendo hicho kinamfanya mara kadhaa abweteke na kutojituma,na kudai akili yake pia inalala wakati hajafika sehemu sahihi anayohitaji

“Kwanza mimi huwa sipendi kufanishwa na wasanii wakubwa, kwa sababu kwanza ukinifanisha unanifanya akili yangu ilale, halafu mimi mwenyewe najiona sijafika sehemu fulani” alisema Aslay

Pia ameongeza hata meneja wake na watu wengine wanaomzunguka wamekuwa wakidai kuwa bado msanii huyo hajafikia hatua ya wasanii Diamond na Alikiba na wengine wanavusha muziki wa bongo fleva kimataifa

"Na hata meneja wangu na watu wanaonizunguka wanaweza kusema wewe bado hujafika sehemu aliyofika labda Alikiba au Diamond, huo utakuwa uongo"aliongeza msanii huyo

Kwasasa Aslay anawika na kibao chake cha Natamba,ambapo wiki kadhaa wimbo huo kupitia mtandao wa Youtube uliwahi kuwa namba moja 'Trending' ingawaje wimbo huo ulidukuliwa na watu wasiojulikana na baadae kurudi hewani.