Santiago: Bondia maarufu Duniani na Bingwa wa uzito wajuu duniani Mike Tyson amezuiliwa na maafisa wa polisi uwanja wa ndenge wakati akitaka kuhudhuria sherehe za kupeana tuzo mjini Santiago, Chile.

Tyson mwenye umri wa miaka 51 ambaye aliwahi kufungwa kifungo jela kwa ubakaji, unyanyasaji na umiliki wa dawa za kulevya alirudishwa nyumbani na maafisa wa polisi wa idara ya uhamiaji.

Maafisa wa polisi katika uwanja wa Santiago walisema kuwa Tyson alirudishwa nyumbani kwa kufeli kuafikia sheria za uhamiaji.

Tyson huko nyuma aliwahi kuzuiliwa kuingia nchini Uingereza 2013 kutokana na matatizo yaliomkumba wakati wa nyuma.

''Baada ya kutathmini rekodi yake kulingana na sheria za uhamiaji ,wageni wote ambao walihukumiwa kwa kutekeleza uhalifu wowote hawaruhusiwi kuingia nchini humu'', polisi walisema.

Bingwa huyo mara mbili alihudumia miaka mitata jela katika kifungo cha miaka sita 1992 kwa kumbaka mgombea wa shindano la malkia wa urembo nchini humo.

Alikuwa bingwa wa uzani mzito mwenye umri mdogo katika historia ya uzani huo wakati alipomshinda Trevor Berbick 1986.