NYOTA wa Bongo fleva Esterlina Sanga au Linah Sanga amefunguka kuwa anajivunia kuwa mama na anamshukuru Mungu kwa kumpa zawadi hiyo.

Lina alifanikiwa kujifungua mtoto wake wa kwanza ambaye anaitwa Tracey Paris mapema mwaka jana na mpenzi wake wa siku nyingi Director Ghost.

Kwenye mahojiano na Over Ze Weekend, Linah alisema kuwa hapendelei kukaa mbali na mwanaye huyo wa kike aitwaye Trecy kwa muda mrefu kwa kuwa mtoto anapaswa kuwa jirani na mama ili aweze kuwa na mapenzi na mama yake.

Ukweli ni kwamba namshukuru sana Mungu kwa kunipa mtoto kwa sababu ni watu wengi wametamani kuwa na watoto kwa hiyo niseme tu kwamba nampenda sana mwanangu na ninajivunia kuitwa mama”.