Kiungo wa Azam fc, Salum Abubakar 'Sure Boy' ,amepata msiba mzito usiku wa kuamkia leo baada ya kufiwa na mama yake mzazi

Mazishi ya mama wa mchezaji huyo yatafanyika leo katika mtaa wa Lubasha,magomeni jijini Dar es salaam majira ya saa 10 alasiri na kuhudhuriwa na wachezaji kadhaa wa azam pamoja na baadhi ya viongozi wa timu hiyo

Pia uongozi wa timu ya azam umetoa salamu za rambirambi kwa mchezaji huyo ambaye kwasasa anaelekea katika kipindi kigumu huku timu yake ikiwa visiwani zanzibar kwenye michuano kombe la mapinduzi

“Kwa niaba ya Uongozi, Bodi, wachezaji, mashabiki na wanafamilia wote tunatoa salamu zetu za rambirambi kwa familia ya marehemu,ndugu,jamaa na marafiki,”uongozi wa azam ulisema

“Tunamuomba Mwenyezi Mungu amuepushe marehemu na adhabu ya kaburi, pia amfanyie wepesi Sure Boy katika kipindi hiki kigumu anachopitia. Inna Lillahi Wa Inna Ilayhi Raji'un,”waliongeza azam

kiungo huyo wa zamani wa Yanga SC, Abubakar Salum ameondoka leo kwenye kambi ya Azam huko visiwani Zanzibar inaposhiriki michuano ya Kombe la Mapinduzi kwa ajili ya kushiriki mazishi ya mama yake mpendwa