Dodoma: Mbunge wa Kigoma Ujiji Zitto Zuberi Kabwe ameongea maneno magumu juu ya tawala za mihimili mitatu ya nchini, Zitto amesema kuwa kwa awamu hii nchi imekabidhiwa kwa watu anao waona kuwa ni jamii ya wasiojui mambo(washamba) na ambao ni malimbukeni wa madaraka "Tumekabidhi nchi Kwa washamba na malimbukeni wa madaraka. Mihimili karibu yote ya dola letu inaongozwa na malimbukeni".

Akitumia ukurasa wake wa facebook Zitto amesema kuwa waerevu wengi nchini wananyamanzishwa na viongozi walio juu ya madaraka, waerevu hao wanaitwa wao sio wazalendo wa nchi hii."Tumekabidhi nchi Kwa washamba na malimbukeni wa madaraka. Mihimili karibu yote ya dola letu inaongozwa na malimbukeni. ' wajanja ' wanalamba miguu ya washamba ili kuishi tu. Werevu wananyamazishwa, wanaitwa si Wazalendo. Wanapangiwa mauaji. Nchi imewashinda".

Zitto anaona kuwa nchi inabidi ijiandae na anguko la kiuchumi kwa sababu ya kukosa maamuzi sahihi ya kimaendeleo "Anguko kubwa la uchumi laja sababu ya maamuzi ya kishamba na kukosa maarifa. Hata hivyo watabaki werevu kadhaa na watarejesha nchi yetu kwenye mstari". alimalizia Zitto

Kauli hii ya Zitto inakuja muda mchache mara baada ya Mbunge huyo, Jana kukamatwa na Polisi majira ya saa moja za jioni katika uwanja wa JNIA Dar es salaam akitokea mkoani kigoma. Zitto anakamatwa kwa agizo la Spika wa Bunge Job Ndugai, kumtaka mbunge huyo kufikishwa kwenye kamati ya maadili kujibu Tuhuma alizotoa Spika wa Bunge kudai kuwa Zitto amelidhalilisha bunge hilo kupitia mitandao ya kijamii.

Zitto anatuhumiwa na spika baada ya kumkosoa kupitia mitandao ya kijamii, kuwa bunge limewekwa mfukoni na muhimili mwingine wa nchi. Zitto anatarajiwa kuungana na Mbunge mwenzake wa Upinzani ambae ni mbunge wa Ubungo Said Kubenea katika kamati ya maadili hii. Kubenea alifikishwa jana kwenye kati ya maadili kutokea Dar es salaam lakini walishindwa kumuhoji kwa sababu ya kujisikia vibaya kiafya.